ያልተኖሩ ኑሮዎች

---///--- ያልተኖሩ ኑሮዎች ---/// ------ 

/በጋዜጠኛ ሙሉጌታ አንበርብር---/

//--- ክፍል አንድ --/ ----- 

ልቤ አንችን አለና ፍቅርሽ ጠንቶብኛል
ድንገት ስትለየኝ ትዝታ ይሰማኛል
እህል አይበላም ወይ ብሎ ያመኛል ሰው
መውደድን ያላዬ ፍቅርን ያልቀመሰው ፡

✍ ... ብሎ አቀነቀነ መለሰ ቦንግር እያለ ከአፍንጫው ስር ያለውን ቡግር እያሻሸ መጣ ፊሊሞን፡፡ ፊሊ አፍቃሪ ፡ ሰካራም ፡ቡግራም ሰፊ ገደል ፊት ያለው የሚወደድ ወጣት ነዉ ፡፡ እንደዚህ አይነት ወጣት እንዴት ሊወደድ ቻለ ትሉ ይሆናል በሉ ግዴለም ስታውቁት የየዋህነት መታወቂያውንትሰጡት ይሆናል፡፡ እንደ ቀበሌ መታወቂያ ጉቦ ና ቀጠሮ የምታበዙ ከሆነ ጉቦይዚም አምላኪ ብሏቹህ ያልፋል፡፡ የፊሊ የሚያናደኝ ፀባዩ ና የምወድለት ፀባዩ ራስ ወዳድመሆኑ ነው፡፡ አሁን ራስ ወዳድ መሆኑ ምኑ ይወደዳል ትሉኝ ይሆናል፡፡ አንደ እኔ እይታ ግን ሰማይ ተሸርፎ ይወድቃል እንጅ መቶ በመቶ ትክክለኛ ነኝ፡፡
በዚች ከሰው ስብዕና በላይ ገንዘብ ባለበት ምድር ላይ እየኖርን፡ አስተሳሰብህ ፡ ሀሳብህ ሳይሆን አሽቃባጭነት ፡ አድርባይነት ፡ ጎጠኝነት ፡ አለባበስህና ማስመሰልህ ተወዶበሚኖርበት ጊዜ ራስ ወዳድነት ባይገን ይገርማቹሃል?
አንተ ለኔ የፍቅር ጥግ
እኔ ለአንች የፍቅር ጥግ
ተባብለው ሰርጋቸውን አስርገው ሰማኒያ ቀን ሳይሞላቸው ሰማኒያቸውን ቀደው አውላላ ሜዳ ላይ የመሪ አቅጣጫህን ሳታውቅ ጨለማ ውስጥ አስጥሞህ ዘወር በሚልበትአለም እንዴት ራስ ወዳድነት አይወደድም ይወደዳል እንጅ፡፡
ትልቁን ተራራ በረቃቅሳና አፍርሳ የምትጥለው ትንሿ ድማሚት ነች፡፡ የሰውን ልጅ ትልቁን የእምነት ካባ የሚያስወልቀው ክህደት ነው፡፡ ምንም በአዳምና በይሁዳቢጀመርም ከይሁዳና ከአዳም ፀፀት የሚማር ሳይሆን ክህደቱን እንደ ጥሩ ትምህርት የሚወስድ ማህበረሰብ ውስጥ እየኖርን ፡ እንዴት የፊሊ ራስ ወዳድ መሆንንእንጠላለን?
አሁን የወደዳትን ኮከብ የወደዳት የዋህ በመሆኗ ቡዙ ሰው ጎድቷታልና እኔ በፍቅር አክማት አለሁ (ራሱን የፍቅር ሀኪም ሲደርግ ፈሌን አስቡት) ብሎ ማሰብ እሷ ጋ እፍ ያለፍቅር ውስጥ ገባ ገባ በቃ የሱ ነገር ይሄው ነው፡፡
እኛም ከዛሬ ነገ ልቤ በርትቷል 
የሄደን ትቶ የመጣን ወዶል ፡፡ የሚለውን የታዳጊውን ድምፃዊ ናታን ተሾመ አየሰማን ፤ ልቤ የሚለውን ልቡ እያልን ፈሌ ራስ ወዳድነቱ አጥቅቶት ከሷ ፀባይ ጋር አብሮመሆን አይችልም ስንል፤ስልኩ ጠርቶ ወዬ ኮከብ ነው ፤ ምግብ እየበላን ምግብ ልናጎርሰው እጃችን ስናነሳ ኮከቤን ይንሳኝ ነው ፤ እንቅፋት መቶትም ይሁን ፤ ውሻ ጩሆበትየኮከብ ባል ነው!!! እኛ ከሞላው ኮከብ አንዷ ጠፍታብን እንማረር አለን፡፡ እስ በአጋጣሚው ሁሉ ኮከቤ እያለ ኮከባችን ሊያጠፋብን ነው፡፡
በነገራችን ላይ ሳሚን ታውቁት አላቹህ ካላወቃችሁት እሰዬው አብረን እንተዋወቀው፤ ሳሚ ማለት ጥርሱ ሀጫ በረዶ፤ አፍንጫው ሰልካካ ፤ የፊቱ አጠቃላይ ገፅታ እንደ ሴትልጅ የሚያምር አልላችሁም ምክንያቱም አይደለማ እህ ግድ ቆንጆ ይሁን ነው እንዴ!! ሳሚ የሚነገር ነገር ቢኖረው እንኳ የስነ ልቦና ባለሞያ መሆኑ ነው፡፡ ደስ የሚል ነገሩደግሞ ሳሚ ባለሞተር ነው፡፡ ምን አገባን ትሉ ይሆናል በሉ ግድ የለም ፤

ሳሚ ባለሞተር ነው፡፡ ከሆላው ባዶ ከሆነ ሴት ደውላለት ሊያደርሳት እየሄደ እንጅ ለስራ እየሄደ ነው ብላቹሁ እንዳታስቡ ፡፡ ፊሊሞንም በዚህ ባህሪው ከከተማ አውቶቢስበመቀጠል ለሴቶች ብቻ የትራንስፓርት አገልግሎት ብሎታል እሱም እኔ ግን በነፃ ነው ብሎ አምኖ ተቀብሎል፡፡

አንድ ቀን ከወሬ ወሬ ተነሳና ለምን ግን እንደ ፊሊ ያሉትን ሰዎችና ሌሎችም ወጣቶች ሰብሰብ አድርገህ በትርፍ ጊዜህ ሴት ከምጭን የምክር አገልግሎት በነፃ አሰጥም የሚልሀሳብ አነሳሁ፡፡ እዚህ  አገር ላይ ምክር መምከር ሳይሆን ምክር መመከር ነው የሚቀለው ሁሉም መካሪና ሞካሪ ብቻ ነው ለስኬትና ለግብ የሚሮጥ የለም፡፡ የህይወትመስመር ፍልስፍና ከምትነግረው የወገብ በታች ታሪክ ፡ የሴት ጅንጀና ፍልስፍና ፡ በመጠጥ ተከልሎ ወሬ እስኪ ልጠይቃቹህ እኛ እንኳን ስንገናኝ ከስንት አንዴ አይደለምእንዴ ስለ ስራ ፡ ሰለ ህይወት የምናወራው አብዛኛውን ጊዜ ስለ ተቃራኒ ፆታ ነው የምናወራው አውርተን እንኳ የተሻሻለ የፍቅር ግንኙነት ብንመሰርት ጥሩ ነበር፡፡ ባሏን ገላ ፡ሚስቱን ገሎ ፡ ፍቅረኛው ላይ አሲድ ደፍቶ ፡ ደፍታ ከሚል መጥፎ ዜና ጀሮችን ከመስማት እንታደገው ነበር፡፡ ስለዚህ ምክር ልምከር ማለት ትርፋ ድካም ነው፡፡ ፊሊሞንምቆጣ አለና እና እኔ የምመከር ወጣት ነኝ እንዴ አለ፡፡ ግንባሩን ኮስተር ጀርባውን እሽት አሽት እያደረገ ( ማከክ የተፈጥሮው ነው የሚመስለው) እኔም ገረሞኝ ከተወራው ወሬፊሊሞን መባሉ ቆጭቶት ልናገር ስል ሳሚ ትኩር ብሎ ሲመለከተው አዕምሮው ውስጥ ዘልቆ የገባ ነው የሚመስው ፡ እኔ ምልህ ፊሊሞን እንደው አንድ በህይወትህየምትወደውን ሰው አድን ብትባል ማንን ታድናለህ? ፈሌም የዋዛ አይደለም ፈገግታው ልብን ያርሳል ነገርንና ቁጣን ያስረሳል፡፡ 

ይሄማ ቀላል ነው መጀመሪያ ራሴን እኔ ከሞትሁ ሰርዶ አይብቀል አይደል ያለችው አህያ ፡ የሰው ስም ስጠራ እኔ ብሞትስ ፡ ከዛ በመቀጠል ነው ለሰው የምጠቅመው ብሎእርፍ፡፡ ሳሚ አይኑን ጨረር የወጋው ይመስል አይኑን ሰብሮ ፡ ደክሚያለሁ ሀይሌ በሙሉ
ተሟጧል እዚህ ጋ መቆም አለብኝ እንላለን ከዚህ የድክመት ጀርባ ግን ትልቅ ሀይልና ጉልበት ይጠብቀናል መጋረጃውን ታግለን ካለፍነው እናገኘው አለን፡፡ 

ዓለም ላይ ታላላቅ ነገሮችን የሚፈፅሙ ሰዎች ይላል ዊሊያም ጀምስ "የመጀመሪያውን የድክመት ወለል ማለፍ የቻሉ ናቸው" ይላል፡፡ ፊሊሞንም በውስጥህአንዳች መግነጢሳዊና ምትሀታዊ ኃይል እንዳለ አምናለሁ ለዛም ይሆናል ፣ ይሄን ነገር ሳላደርገው ለማንም ፤ ለምንም ህይወቴን አስቀድሜ አልሰጥም የምትለው ፡ ቢሆንምግን ማንም ሰው በአጥር ውስጥ ሲኖር ደስ አይልም፡፡ በተፈጥሮም ይሁን በባህሪ ፣ በባህልና በልምድ በአጥር ውስጥ ተከልለን የምንኖር ቢሆንም የራስ ወዳድነትአጥር በጠበልም ይሁን በህክምና ከአንተ አዕምሮ ውስጥ መውጣት አለበት፡፡ የስነ ልቦናው ባለሞያው ዶክተር ኖርማን ቪንሰንት ፒል ፦ ፅናት ከግብ ያደርሳልየሚለውን የአበው አባባል ደጋግመው ለራስዎ ይንገሩት ፥ ይሄን ጊዜ የከንቱነት ፣ የራስ ወዳድነት ስሜትዎ ከቦታው ይጠፋል፡፡ ጥንካሬን፣ ተስፋና ብቃት ለመፍጠር ወሳኙነገር በራስ መተማመን አስገራሚ የሆነ የፈውስና መልስ የመፍጠር
ውጤት ያመጣል ይላል፡፡ ሌላ ተጨማሪ ነገር ልጨምርላችሁና ስድስት ስዓት የቀጠረችኝ ልጅ አለች ሂጄ ቤቷ ላድርሳት ፥ የራሳችን አለም የምንፈጥረውበራሳችን  የአመለካከት ድምር ውጤት ነው፡፡ "ሰው የሚመገበውን ይመስላል" ኢትዮጵያዊ አባባል "ሰው አስተሳሰቡን ይመስላል" ቪንሰንት ፒል "ሰው ቀኑን ሙሉየሚያስበውን ነው፡፡ " የተከበረው አሜርካዊ ራልፍ ዋልዶ ኢመርሰን "ሰው ኑሮውን ይመስላል " እኔ "ራስ ወዳድ ሰው ፈሌን ይመስላል" ቻው ብሎ ሞተሩን ቀስቅሷ ሄደ፡፡የሱን ሞተር
ብቻ አይደለም የቀሰቀሰው ሳሚ "ከኩርፊት ልብ መሀል ሰማይን መቅደድ የሚችል ማዕከላዊ እርጋታ አለ፡፡ ሰውም እንዲህ ነው ፡፡ ከመዝናናት መሀል ኃይል ይመነጫል፡፡ ኃይሉ የሚያመነጨውን የሚያወጣው ከርጋታ ማዕከል ነው" ይላል ኤድዋን ማርክህም፡፡ 

በኛ ጨዋታ መሀልም እውነት ብልጭ ብላ እንደ ሳሚ የሞተር እየቆዬች ጠፋች፡፡ ሳሚ ከመወንጨፉ የፈሌ ስልክ መጥራቱ ፤ ሄሎ ኮከቤ ፣ እሽ ፤ ፍቅር ሀይቅ ነው መክሊትመዝናኛው ጋ ፤ እሽ በቃ ስዓት ይከበር፡፡ አሌክሶ በቃ ልሄድ ነው ቸው ። በህይወት ውጣ ውረድ ውስጥ ተከበህ ብትኖርም ከመንጋው ስትለይ ሁሌም ይጨንቅሀል ፤ቢሆንም ይሄን ስዓት በጥንቃቄ ማለፍ ነው፡፡
$
እንዴ ኮከብ እኔ ጋ ደወለች ምን ሁና ነው?

ክፍል ሁለት ይቀጥላል...............